ನಯಾಗರಾ ಜಲಪಾತ

 

ನಯಾಗರಾ ಜಲಪಾತವು ಅಮೆರಿಕದ ನ್ಯೂಯಾರ್ಕ್ ಮತ್ತು ಕೆನಡಾದ ಒಂಟಾರಿಯೊ ನಡುವಿನ ಗಡಿಯಲ್ಲಿದೆ. ಇದು ಮೂರು ಪ್ರತ್ಯೇಕ ಜಲಪಾತಗಳಾದ ಹಾರ್ಸ್‌ಶೂ ಜಲಪಾತ, ಅಮೇರಿಕನ್ ಜಲಪಾತ ಮತ್ತು ಬ್ರೈಡಲ್ ವೇಲ್ ಜಲಪಾತಗಳ ಒಟ್ಟು ಸಂಗ್ರಹವಾಗಿದೆ. 

 ಈ ಜಲಪಾತವು ಸುಮಾರು 12,000 ರಿಂದ 12,500 ವರ್ಷಗಳ ಹಿಂದೆ ಕೊನೆಯ ಹಿಮಯುಗದ ಅಂತ್ಯದಲ್ಲಿ ರೂಪುಗೊಂಡಿತು. 

 ಜಲಪಾತದ ಪ್ರಬಲ ನೀರಿನ ರಭಸದಿಂದ ಅಪಾರ ಪ್ರಮಾಣದ ಜಲವಿದ್ಯುತ್ ಉತ್ಪಾದಿಸಿ ಅಮೆರಿಕ ಹಾಗೂ ಕೆನಡಾ ಹಂಚಿಕೊಳ್ಳುತ್ತವೆ. 

 'ನಯಾಗರಾ' ಎಂದರೆ ಸ್ಥಳೀಯ ಭಾಷೆಯಲ್ಲಿ 'ನೀರಿನ ಗರ್ಜನೆ' (Thunder of Waters) ಎಂದರ್ಥ. 

 1848ರಲ್ಲಿ ಮಂಜುಗಡ್ಡೆಯು ನದಿಯ ಮೂಲದಲ್ಲಿ ತಡೆದು ಕೊಂಡಿದ್ದರಿಂದ ಸುಮಾರು 30 ಗಂಟೆಗಳ ಕಾಲ ನಯಾಗರಾ ಜಲಪಾತದ ಹರಿವು ಸಂಪೂರ್ಣವಾಗಿ ನಿಂತಿತ್ತು. 

 1969ರಲ್ಲಿ ಎಂಜಿನಿಯರ್‌ಗಳು ಸರಿಪಡಿಸುವ ಕೆಲಸಕ್ಕಾಗಿ ಅಮೇರಿಕನ್ ಜಲಪಾತದ ಕಡೆಗೆ ತಾತ್ಕಾಲಿಕ ಅಣೆಕಟ್ಟು ನಿರ್ಮಿಸಿ ಕೆಲಕಾಲ ನೀರನ್ನು ಹರಿಯದಂತೆ ಸ್ಥಗಿತಗೊಳಿಸಿದ್ದರು. 

 ಇತಿಹಾಸದಲ್ಲಿ ಅನೇಕ ಸಾಹಸಿಗಳು ಪೀಪಾಯಿಗಳ (barrels) ಮೂಲಕ ಜಲಪಾತದಿಂದ ಕೆಳಗೆ ಹಾರುವ ಸಾಹಸ ಮಾಡಿದ್ದಾರೆ. ಆದರೆ ಪ್ರಸ್ತುತ ಇದು ಕಾನೂನುಬಾಹಿರ ಹಾಗೂ ಅಪರಾಧವಾಗಿದೆ.